KML Open

ÇKA ËSHTË KML OPEN?

Kosova Makers League (KML Open) është gara më e madhe edukative e robotikës në Kosovë, e dedikuar për institucionet edukative të cilat punojnë me nxënësit e grupmoshës 6-14 vjeç.

Gara është e ndarë në dy cikle, për ciklin e klasave “1-5” dhe “6-9”, duke mundësuar një përvojë të përshtatur moshës së pjesëmarrësve. Ekipet përbëhen nga katër nxënës dhe një mentor (mësimdhënës, prind apo vullnetar) dhe institucionet pjesëmarrëse që marrin pjesë për herë të parë pajisen me robotë edukativë. Gjuha programuese e përdorur është gjuha programuese Scratch, duke u mundësuar fëmijëve të zhvillojnë aftësitë teknike dhe të buta përfshirë këtu mendimin kritik dhe analitik, kreativitetin dhe zgjidhjen e problemeve përmes punën ekipore.

Përmes misionit “Një robot për çdo fëmijë”, Kosova Makers League synon të krijojë një ambient të ngrohtë, gjithëpërfshirës dhe frymëzues, ku fëmijët zhvillojnë shkathtësi dhe njohuri përmes lojës.

Ecuria e garës

Gara e robotikës zhvillohet në 4 raunde: 3 online dhe 1 fizik. Çdo raund ka sfida të veçanta për ciklet “1-5” dhe “6-9”, me materialet e nevojshme si instruksionet, tabelën e vlerësimit, hartën dhe rregulloren. Pikët mblidhen në çdo raund dhe ekipet fituese shpallen në bazë të rezultateve të përgjithshme.

Pajisjet teknologjike

Çdo institucion pjesëmarrës për herë të parë merr katër robotë edukativë, të cilët mbeten në pronësi të institucionit nëse përmbushen kriteret e pjesëmarrjes. Shkollat publike marrin robotët falas, ndërsa institucionet private duhet t’i financojnë vetë.

Kushtet e garës

Gara e Robotikës është e hapur për të gjitha institucionet edukative që punojnë me nxënës të grupmoshës 6-14 vjeçare. Çdo ekip duhet të përbëhet nga një mentor/e dhe katër nxënës/e. Regjistrimi për të siguruar pjesëmarrjen duhet të bëhet brenda afatit të caktuar, i cili hapet në shtator të vitit përkatës.

Aktivitete të tjera

Në kuadër të Garës së Robotikës KML Open organizohen edhe aktivitete shtesë për të mbajtur të angazhuar dhe të motivuar nxënësit gjatë gjithë vitit. Aktivitete të tilla zhvillojnë aftësitë teknike, kreative dhe bashkëpunuese, duke e bërë përvojën e pjesëmarrjes në garë më gjithëpërfshirëse dhe argëtuese.
VAJZAT NË TIK PËR VAJZA
Vajzat në TIK është event vjetor, që synon të fuqizojë vajzat në fushën e teknologjisë. Përmes punëtorive dhe aktiviteteve praktike, KML krijon hapësirë për frymëzim, bashkëpunim dhe zhvillim të aftësive digjitale në një mjedis gjithëpërfshirës dhe motivues.
Click Here
HOUR OF CODE PËR NXËNËSIT E SHKOLLAVE PJESËMARRËSE NË GARËN E ROBOTIKËS KML OPEN
Aktiviteti ‘Hour of Code’ ka për qëllim të ofrojë hyrje në bazat e programimit, përmes lojës dhe personazheve të preferuar të nxënësve që ofrohen në këtë platformë. Përmes këtoj aktiviteti, fëmijët përgatiten për sfidat me robotë në kuadër të garës.
Click Here
JAVA E SCRATCH PËR FËMIJËT E MOSHAVE 6-14 VJEç
Gjatë Javës së Scratch, nxënësit programojnë lojëra dhe animacione të ndryshme. Aktivitetet e mbajtura gjatë kësaj jave lejojnë nxënësit të përdorin imagjinatën e tyre dhe të e shprehin atë përmes kodimit me gjuhën programuese Scratch.
Click Here
STEAM ONLINEPËR NXËNËSIT E SHKOLLAVE PJESËMARRËSE NË GARËN E ROBOTIKËS KML OPEN
Aktivitetet STEAM online organizohen me qëllim që të nxisin angazhimin e vazhdueshëm të nxënësve dhe të përforcojnë aftësitë kognitive. Përmes kuizeve, eksperimenteve, punëdoreve dhe sfidave kreative nga fushat STEAM, nxënësit mësojnë në mënyrë argëtuese.
Click Here
Previous
Next

Aplikoni për të u bërë pjesë e
Garës së Robotikës KML OPEN 2026-25

Aplikimet për Garën e Robotikës do të jeni të hapura nga data 1 tetor deri 1 nëntor 2026.

Aplikoni tani për të u bërë pjesë e garës dhe pajisuni me kamerat AI HuskyLens për të
eksploruar më shumë inteligjencën artificiale.

Gara e Robotikës KML Open përgjatë viteve

Për të u njoftuar më shumë rreth organizimeve të mëparshme të Garës së Robotikës KML Open, rezultateve si dhe listën e pajisjeve të ndara për shkollat pjesëmarrëse ndër vite, shihni ‘Arkiva’.